NAGA CITY- Nangangaipohan an Israel nin mas kadakol na Overseas Filipino Workers (OFWs) sa Israel sa ibong kan nangyayaring giyera digdi.
Sigun ki Israeli Ambassador Ilan Fluss, nasa 800 gikan sa 28,000 OFWs sa Israel an na-repatriate makalihis na makumpleto an saindang mga kontrata.
Katakod kaini, nangangaipohan nin ribu-ribong obrero an Israel. Igwa soboot sinda nin mga obrero na dineploy gikan India, Sri Lanka asin Thailand alagad mayo nin OFWs na nagpapasiring sa Israel sa presente.
Enot na man kayang ipinagbawal kan gobyerno kan PH an deployment kan OFWs sa Israel huli naman sa nangyayaring giyera na nagbungkaras kan October 7.
Naninindogan man an Israeli envoy na marhay an gabos sa Israel magin an mga restaurant, hotel asin cinema an nagbukas na.
Siringman bukas na an Tel Aviv, Jerusalem Haifa asin iba pang tourist destination para sa mga visitor.
