Sinalakay kan Israeli police an compound kan United Nations Relief and Works Agency (UNRWA) na nagtatabang sa Palestinian refugees na nakabase sa okupadong East Jerusalem kan Lunes.
Kinumpirmar man ni UNRWA head Philippe Lazzarini na hinali kan Israeli authorities an Bandera kan UN asin pigribay an Israel flag.
Sigun sa UN official, pwersahang nilaog an saindang compound kan Israeli police kaiba an municipal officials kan Jerusalem dara an mga truck asin forklifts.
Pigpurutol an mga linya kan komunikasyon asin sinamsam an mga furniture, IT equipment asin iba pang ari-arian.
Sa sarong statement, nilinaw man kan Israeli police na an ikinasang operasyon kan Jerusalem Municipality an parte kan debt-collection procedure, kun saen present an mga pulis tangani tawan nin seguridad an personnel kan nasambitan ng munisipalidad.
Sinusugan man ini kan tagapagtaram kan Jerusalem Municipality komo parte soboot kan standard procedure laban sa mga dae nagbabayad kan property tax asin nagbabalewala sa saindang pauru-utro na pagirumdom.
Kinondena man ni UN Secretary-General Antonio Guterres an dae awtorisadong paglaog kan Israeli authorities asin pighurot an mga obligasyon kan Israel sa irarom kan UN Charter asin iba pang international law.
Enot digde, haloy ng may isyu an Israel sa nasambitan ng UN aid agency, kun saen inaakusaran kan Israel an ahensiya kan pagtabang soboot sa Hamas asin nangapudan buwagon na ini nin dagusan, alagad makapirang utro na man pinahimutikan kan UN agency an nasambitan ng akusasyon.
