Kumpyansa an National Economic and Development Authority (NEDA) na mayong magigin epekto sa ekonomiya kan nasyon an nangyayaring bangayan ngunyan sa pag-ultanan ni Presidente Ferdinand Marcos Jr. asin Vice President Sara Duterte.
Sigun ki NEDA Sec. Arsenio Balisacan, dagos-dagos pa man an pag-usawag kan ekonomiya kan nasyon sa presente. Huli na man ini sa pagmamantinir kan mga matatag na polisiya kan gobierno sa pag-urulay kan ekonomiya.
Pighalimbawa pa kaini an nangyari na political noises kan late 1990s kun saen dae ini nagkawsa nin maraot na epekto sa laog kan pagnenegosyo sa nasyon.
Pigsierto man kaini na ipapadagos kan administrasyon an obheto kaining maabot an gabos nin mga agenda na nakapalaog sa Philippine Development Plan.
