Pinangaranan kan Palasyo Malacañang si Justice USec. Jesse Hermogenes Andres komo bagong chairman kan Energy Regulatory Commission (ERC).
Ini an pirang semana makalihis na suspenderon si dating ERC chair Monalisa Dimalanta na presenteng nahahampang sa mga kasong grave misconduct sa Office of the Ombudsman.
An pagtatalaga ki Andres an tolos na magigin epektibo hasta sa maitalaga na an saiyang karibay o hasta sa maisugo kan Ombudsman basado sa memorandum na pigtintaan ni Executive Secretary Lucas Bersamin.
Sigun ki Exec. Sec Bersamin, pigtalaga si Andres komo OIC asin chief executive officer kan ERC tanganing masierto na maipadagos asin epektibong maihatod an mga serbisyo para sa publiko.
Enot na dide, pigsuspender kan Ombudsman si Dimanlanta makalihis na magsunad nin reklamo an National Association of Electricity Consumers for Reforms Inc. (Nasecore) na nag-akusar sa saiyang kan grave misconduct, grave abuse of authority asin iba pa huli sa pagtugot sa Meralco na direktang magbakal nin kuryente gikan sa Wholesale Electricity Spot Market asin ipinasa an charges sa mga kustomer na dae naghahagad nin approval gikan sa ERC board.
