NAGA CITY– Nagpapadagos ngunian an mararumang imbestigasyon kan mga otoridd katakod kan nadukayang kalansay kan sarong aki sa Pagbilao, Quezon.
Sa entrevista kan Bombo Radyo Naga ki PO3 Joel Alili kan Pagbilao-PNP, sinaysay kaini na mantang naghahanap nin gulay an mga aki sa maduot na parte kan Barangay Silangang Malicboy sa nasambitan ng banwaan kan mahiling kan mga ini an sarong sako.
Kan hiniling soboot kan mga aki an laog kaini, nagtambad sa sainda an sarong kalansay.
Sigon ki Alili, kinakarkulong nasa 2 hasta 3-anyos an nasambitan kalansay huli ta may diapher pa soboot ini asin nahiling man sa lugar an bado na pangbabae.
Sa saindang pag-iimbestigar, sigon soboot sa maysadiri kan sarong tinadahan na harani sa lugar, kan nakaaging bulan sana kan may marisa sindang sarong lunadan na nag-apon kan pahuna ninda basura sa lugar.
Sa ngunian, nagpapadagos na an pakikipagkoordinar kan kapulisan sa mga pagtaraid na banwaan maging sa Bicol Region nganeng masusog an mga taong responsable sa nasambitan ng krimen.
