Nag-adjust kan iskedyul an House of Representatives para sa mga pagdangog sa propwestong 2027 National Budget huli sa mga pagkadisturbo na may relasyon sa panahon, alagad pigtatarget pa man giraray na matapos an mga deliberasyon sa budget sa orihinal na timetable.
Susog ki House Appropriations Committee Chair Rep. Mika Suansing, mabalik sa Agosto 24 an budget hearings, kun sain an nagkapirang ahensya kabali an Philippine Amusement and Gaming Corporation, Department of Trade and Industry, Department of Justice, Philippine Charity Sweepstakes Office asin Department of Science and Technology an maatubang sa komite.
Sinabi pa ni Suansing na may mga hearing na papahalipoton asin kasabay na gigibuhon kun kinakaipuhan tanganing mabawi an naatrasar na mga hearing.
An committee-level budget hearings magpapadagos sagkod Setyembre 8.
Pigsierto ni Suansing na dae isasakripisyo an mahiwas na pagrepaso sa proponidong budget tangani sanang makahabol sa iskedyul.
Magigibo man suboot an komitiba nin supisyenteng allowance sa schedule tanganing makayanan an posibleng dugang pang pagkaatraso kasabay kan pagsierto na matatapos sa tamang oras an budget process.
An Kamara nagmamawot na magsagibo nin lubos na pagrepaso kan lambang propuesto sa paggastos asin maipasar an 2027 national budget sa tamang panahon.
