Piglinaw kan Biyernes, Agosto 14, kan kampo ni Vice President Sara Duterte na bakong banta an saindang pahayag na posibleng mag-atubang man nin parehong kapalaran an iba pang impeachable officials, kabali an Presidente kan nasyon, kun an nakatukaw na bise presidente puwedeng kasuhan asin usigon.
Ini an kasimbagan kan kampo kan Bise Presidente sa pahayag ni Palace Press Officer Claire Castro, na naghapot kun nagpapaluwas na naman nin bagong banta an kampo ni Duterte.
Sigon sa legal counsel ni VP Sara sa kasong grave threats na si Atty. Paul Lawrence Lim, “statement of fact” sana ini asin bakong banta.
Tinawan -doon kaini na kun an bise presidente puwedeng kasuhan habang nakatukaw sa posisyon, posible man na mangyari ini sa iba pang impeachable officials.
