Nagpakol na sa 235 an nairehistrong kaso kan mga nalugadan huli sa paputok katakod kan pagselebrar kan bagong taon, sigun sa Department of Health (DOH) magpuon December 21, 2025 hasta ngunyan na January 1, 2026.
Basado sa iniluwas na datos kan ahensya, 62 kaso kan mga nalugadan huli sa paputok an nairehistro sa bisperas kan bagong taon, December 31.
Sigun ki DOH spokesperson Assistant Secretary Albert Domingo, nilalaoman pa kan ahensya na madudugangan an kabilugang numero kan mga biktima kan paputok sa primerong semana kan taon, magpuon January 1 hasta 5.
Pig-inkaminar kan opisyal an publiko na gabos kan mga naputukan kan paoutot, dawa na gurano kasadit an lugad, dae dapat pag isawalang-bahala asin tulos na darahon sa pinakaharani na ospital tangani na maiwasan an tetanus.
Mientrastanto, mas hababa nin 42% an mga nairehistrong kaso ngunyan na taon kumparar kan nakalihis na taon na nagpakol sa 403. Nagluwas man sa datos kan ahensya na kadaklan sa mga biktima an nasa edad na 19 anyos pababa.
