Posibleng magpaluwas nin resolusyon an National Bureau of Investigation (NBI) sa masunod na semana dapit sa nagpapadagos na imbestigasyon sa suboot honeytrap laban ki Executive Secretary (ES) Ralph Recto.
Segun ki NBI Director Melvin Matibag, inaandam na ninda an katumbas na kaso na isasangat kontra sa mga nasa likod kan insidente.
Sinabi man kaini na supisyente na an mga ebidensya na saindang natipon sagkod ngonian.
Mientrastanto, iginagalang kan NBI an nakaaging pahayag kan Office of the Ombudsman dapit sa saindang paghadit sa padagos na pagtener sa abroad ni Sen. Loren Legarda asin Rep. Leandro Leviste.
Segun ki Matibag, may relasyon an nasabing bagay sa separadong imbestigasyon kan Ombudsman sa sarong solar energy firm na pagsasadiri o may relasyon ki Leviste.
Basado sa impormasyon hale sa Bureau of Immigration, Agosto 2 kan maghale sa nasyon si Legarda asin Leviste.
