Pigkumpirmar kan Department of Migrant Workers (DMW) na nag-amin na an Kuwaiti national na pangenot na suspek sa paggadan sa overseas Filipino worker na si Dafnie Nacalaban.
Sa sarong pulong balitaan kan Sabado, sinaysay ni DMW Sec. Hans Leo Cacdac na igwa nin valid reports na nareresiber an saindang opisina na nag-amin na an nasambitan ng prime suspect.
Sa ngunyan, mayo pa soboot nin dakol na detalye nin huli ta pighahalat pa an nasambitan ng official report.
Sa presente man soboot nakakulong na an Kuwaiti national kaiba an saiyang agom, ama asin nakakanguhod na tugang na nag-conceal o nagtago sa saiya.
Mientrastanto, sinaysay man kan sekretaryo na pighahalat pa ninda an magigin aksiyon katakod sa indictment kan suspek tanganing makaputan an hustisya para sa nagadan na Pinay worker.
Marurumdoman, na nadukayan an bangkay ni Dafnie na naagnas sa bakuran kan harong kan sarong Kuwaiti national kan Disyembre 31, 2024 makalihis iturn-over o isuko kan suspek kan saiya mismong tugang.
Sa presinte, sigun ki Sec. Cacdac nasa 215,000 an OFWs sa Kuwait.
