Dagos-dagos an ginigibong pagsasaayos asin man pagkukumpuni kan National Food Authority (NFA) sa mga bodega sa nasyon tangani mas kadakol pang paroy an mabakal sa mga paraoma.
Sa ambush interview sa Bulacan, sinaysay ni NFA Administrator Larry Lacson na pinaparikasan na kan NFA an pagbubukas nin mga bagong bodega tangani may mapag-imbakan nin bagas o bagong aning paroy.
Sigun ki Lacson, haros gabos nin 134 na bodegang isinaayos ay pinirit nang bukasan tangani masimbagan an problema kan nagkapirang mga paraoma na nagtitios na ipabakal sa traders an saindang aning paroy sa baratong kantidad.
Sa pagbubukas kan 20th Congress, liwat soboot na ibubusol kan NFA sa mga lehislador na ibalik an saindang kapangyarihang makapagpabakal nin bagas sa merkado, ibalik an saindang regulatory power sa rice industry, tugutang makabakal nin bagas sa mga paraoma asin man kooperatiba, orog na an halion an kapangyarihang mag-angkat nin bagas tangani makua an target na “self-sufficiency” sa bagas.
