Naresibe na kan mga miyembro kan mga TODA an ayuda na fuel subsidy na hali sa nasyunal na gobyerno.
Sa intrevista kan Bombo Radyo Naga ki Gil Belen, Fetoda President, sinabi kaini na aabot sa higit 2,000 na mga drayber an nakalista asin benepisyaryo kan nasabing programa. An kada drayber nakaresebi nin kantidad na (₱5,000) komo ayuda sa padagos na pagmahal kan presyo kan krudo.
Dugang pa ni Belen na dakol sa mga drayber an nagpahayag nin pasasalamat, huli ta dakola an tabang kaini sa saindang pang aro-aldaw na panggastos asin pambayad sa mga may utang asin nagbabayad nin boundary. An ayuda magagamit ninda sa panggastos kan pamilya asin sa iba pang pangangaipo.
Kinumpirmar man na an pondo para sa subsidy haloy sa nasyunal na gobyerno, asin patas na ipigdistribwir sa mga kwalipikadong benepisyaryo. Pigheras man kaini na naghahalahat pa sa lokal na gobyerno partikular sa distribusyon asin posibleng dugang na ayuda gikan sa lokal na gobyerno ka syudad nin Naga. Segun sa mga opisyal, inaprobahan na an sarong panukala na igwang kinaaraman sa fuel subsidy, alagad kaipuhan pa ini nin pinal na pag-aprubar sa regular na sesyon antes dagusan na ipatupad.
Nagpahayag nin dakulang pasasalamat an mga lider kan TODA sa nasyunal asin lokal na pamahalaan, pati na sa mga opisyal kan asosasyon, sa padagos na suporta sa mga drayber, miyembro man o dai.
