Pigbuyagyag ni Senate President Pro Tempore Ping Lacson na tinangro ini kan retired military asin PNP officials na magin parte kan “civil military junta.”
Sa entrevista, pighurot ni Lacson na maski tinangro ini, dae soboot kaini ini pinansin.
Nagputok soboot ini antes an ikinasar na national rally for peace lan Iglesia Ni Cristo, an pagluwas ni dating Congressman Zaldy Co, asin posibleng makalihis man an nagin speech ni Senadora Imee Marcos sa INC rally — na basado sa saiyang pag-analisar, sarong orchestrated o planado.
Obheto soboot kaini na pababaon sa pwesto si Presidente Ferdinand Marcos Jr asin magkaigwa nin total reset kan mga opisyal kan gobyerno.
Nagtutubod an senador na an pig-aapod na “transitional council” asin soboot military-backed “reset” an pawang pagbalgar sa Konstitusyon.
Sa pagtutol sa “unconstitutional” na pagribay kan liderato, pigtawan-duon ni Lacson na sa irarom kan 1987 Constitution, an linya kan succession an nagtatapos sa House Speaker.
Ini an rason kun tano kaini pigsunad an saiyang “Designated Survivor” bill komo palawigon an succession line asin ibali an pinakagurang na miyembro kan Senado asin Kamara.
