Photo© Guinness World Records

Aram baya nindo mga ka-bombo, sarong lalaki gikan sa Hong Kong an naibulsa an Guinness World Records title para sa pinakadakol na koleksyon kan Gengar memorabilia.

Pigbisto an lalaki na si Tsang Cheuk Tip, 32-anyos, kun saen pigsaysay kaini na an saiyang pagkahilig sa Gengar an nagpuon kan ini 8-anyos pa sana.

Digde nagpuon an saiyang pagpapadangat sa Pokémon kun kaya sa laog nin 22 na taon padagos an saiyang pagkolektar nin mga items.

Katakod digde, nagpuon naman na magkolektar si Tip nin licensed Gengar memorabilia, kabali na an cards, clothing items, plush toys, tableware asin stationary.

Advertisement

Sigun sa nasambitan ng lalaki, an pag-catalog kan saiyang mga items para sa pagpurbar na masungkit an record para sa largest collection kan Gengar memorabilia an makapagal na proseso.

Kinaipuhan soboot kaini na bugtakan nin descriptions an mga items tanganing mapadali an pagbilang digde.

Sa ngunyan, an gabos na pagal ni Tip an sulit nin huli ta saiyang nakaputan an World record para sa nasambitan ng kategorya.

Advertisement