NAGA CITY- Padagos ngunian na nagpaparahay an sarong persona makalihis ining pagsasaksakon kan saiyang sadiring tugang sa Zone 3, Sta. Elena, Iriga City.
Binisto an biktima na si Roberto Serrano, 37 anyos.
Sa nagunong impormasyon kan Bombo Radyo Naga napag araman na nag iinuman sana sinda Roberto asin an suspek na si Ariston kaibahan an tolong iba pa sa nasambitan ng lugar kan magkaigwa ini nin dai pagkakasinabutan na pinunan kan saindang iwal.
Nagkua suboot nin sundang an suspek asin tulos na pinagsasaksak an biktima.
Huli digdi, nagsapo nin lugad sa saiyang tulak an biktima na tulos idinalagan sa ospital.
Makalihis an pangyayare, tulos suboot nagdulag an nasambitan ng suspetsado.
Sa inisyal na imbestigasyon kan mga otoridad napag araman na magtugang suboot an biktima asin an suspek.
Sa ngunian, nagpapadagos pa an imbestigasyon kan mga otoridad manungod sa nasambitan ng pangyayare.
