Aram baya nindo mga ka-bombo, an sarong Turkish na lalaki na nawaran nin harong makalihis an pagtama kan makusog na pagyugo-yugo kan taong 2023 an nakaistar na ngnyan sa sadit na kweba sa laog kan halos duwang taon nin huli ta pigkokonsederar kaining salbado an lugar kumparar sa mga man-made structure.
Susog sa report kan February 2023, an Southern Turkey an nakaeskperyensiya nin magnitude 7.8 na linog na nagin rason sa pagkagadan kan nasa ribong mga tawo asin naghatod nin dakulang destroso sa lugar.
Katakod digde, an lalaki na binistong si Ali Bozoğlan na gikan sa probinsiya kan Hatay an naraot an saiyang harong huli linog asin serye kan mga aftershocks.
Maski salbado man an bilog na pamilya ni Ali alagad huli sa pangyayari natakot na ini sa mga pagyugo-yugo kun kaya nagdesisyon na dae na mag-istar sa mga building na gibo kan tawo.
Digde na nakahanap nin sadit alagad tuninong na kweba si Ali sa luwas kan siyudad asin ginibo na kaining permanenteng istaran. Maski man dae na-ekaminar kan lalaki an saiyang pamilya na sa kweba na sana mag-istar maogma man soboot ini sa saiyang nagin desisyon sa buhay.
Alagad aminado man si Ali na an pag-istar nin solo sa kweba an bakong perpekto huli sa mga manlaen-laen na peligro na dara kan mga hayop, panahon alagad sa paglihis soboot kan mga taon nakasanayan na kaini an buhay sa nasambitan ng kweba.
