NAGA CITY- Gadan an sarong lalaki makalihis pagbabadilon kan dae pa nabibistong suspek sa Tiaong, Quezon.
Binisto an biktima na si Alyas Joseph, 33-anyos asin residente kan Sitio Juisa, Brgy. Cabay, sa nasambitan ng banwaan.
Sa nagunong impormasyon kan Bombo Radyo Naga sa Quezon Police Provincial Office, napag-araman na mantang naglalakaw-lakaw an biktima sa saindang barangay, kan bigla na sanang mag-abot an dae pa nabibistong suspek asin pigtapaan an saiyang agihan. Digdi man, basang na sana kaining pinagbabadil Alyas Joseph sa saiyang lawas asin payo na tolos kaining ikinagadan.
Mientrastanto, narekober man sa pinangyarihan an 1 pidaso kan live ammunition asin 3 pidaso kan fired cartridges gikan sa caliber 45 na ginamit kan suspek sa krimen. Katakod kaini, tulos man nagdulag an suspek sa kabukidan na parte kan nasambitan ng barangay.
Sa ngunyan, nagpapadagos pa an pigsasagibong imbestigasyon kan mga otoridad dapit sa nasambitan ng insidente.
