NAGA CITY – Sugatan ang isang lalaki matapos na pagsasaksakin sa dibdib ng kapatid ng live-in partner nito sa Lucena City.
Kinilala ang biktima na si Marbert Gabiola Condino, 27-anyos, residente ng Purok Riverside, Brgy. Ibabang Dupay sa nasabing lungsod.
Sa nakuhang impormasyon ng Bombo Radyo Naga sa Quezon Police Provincial Office, napag-alaman na nagkaroon ng pagtatalo ang biktima at ang live-in partner dahil sa pag-inom ng biktima.
Dahil dito, agad naman na pumunta an live-in partner nito sa bahay ng kapatid na kinilalang si Marwin Rodelas, 27-anyos, residente naman ng nasabing lugar upang magpa-comfort. Subalit dito na sinugod ni Rodelas si Condino at kinompronta ang biktima na naging dahilan ng pananaksak ng suspek kay Condino.
Sa inisyal na imbestigasyon ng mga otoridad, napag-alaman na nagtamo ng tama ng saugat dibdib si Condino na agad namang dinala sa ospital para sa tulong medikal.
Samantala, napag-alaman naman na nasa ilalim ng impluwensya ng alak ang suspek ng mangyari ang nasabing insidente.
Sa ngayon, nagpapatuloy pa ang isinasagawang imbestigasyon ng mga otoridad lalo na ang pagtukoy sa posibleng kinaroroonan ng suspek.
