NAGA CITY- Sugatan ang isang lalaki matapos na pagtatagain sa Barangay Ilayang Kalilayan, Unisan, Quezon.
Kinilala ang biktima na si Alfredo Delos Santos Hila Jr, 43 anyos, residente ng nasabing lugar.
Sa nakalap na impormasyon ng Bombo Radyo Naga sa Quezon Police Provincial Office, nabatid na nagkaroon nang pagtatalo sa pagitan ni Hila at ng suspek na si Ricky Zaballero, na nagresulta ng pananaga ni Zaballero ki Hila.
Dahil dito, nagtamo ng mga sugat sa iba’t-ibang bahagi ng kaniyang katawan ang biktima na kaagad naman na dinala sa ospital para sa asistensiya medikal.
Sa inisyal na imbestigasyon ng mga awtoridad, sinasabing away sa ibenibentang lupa ng biktima sa suspek ang ugat ng insidente.
Sa ngayon, ikinasa na ang hot pursuit operation ng mga awtoridad laban sa naturang suspek.
