NAGA CITY- Pigheras kan lider kan sarong Council kan boy scout an mga pigagampanan kan organisasyon sa komunidad.
Sa entrevista kan Bombo Radyo Naga ki Giefe Terana, Institutional Commissioner Boy Scouts- Masbate Council, sinaysay kaini na an obheto kan saindang organisasyon an hubugon an mga jovenes na magin responsableng namamanwaan kan nasyon.
Sigun pa sa opisyal, maikukumparar an training na pig-aagihan kan boys scouts sa Military asin PNP training pag-abot sa disiplina asin values.
Dugang pa kan opisyal, nakasaad na sa konstitusyon kan Pilipinas an mga mandato asin responsabilidad kan boy scouts.
Saro na digde an mandato na an mga boys scout sana an pwedeng magsulo kan bandera nin nasyon basado sa pigsusunod na proseso.
Mientrastanto, sa mga mawot soboot na magpa miyembro kaipuhan na udok sa boot asin committed sa gabos na mga panundon na pigpapautob kan organisasyon.
