Sinaysay kan abogado ni dating Presidente Rodrigo Duterte na dae na sinda nakilhag sa mga pigsumiter na ebidensiya kan International Criminal Court (ICC) katakod kan kaso kontra sa dating Presidente.
Sigun ki Atty. Nicholas Kaufman, alagad maski dae kaini pwedeng ibuyagyag an reaskiyo ni Duterte o an strategy kan saindang kampo, masusi man soboot nindang pinag-aadalan an labi 2,300 dokumentong pigsumiter kan prosekusyon puon kan nakalihis na Hulyo 1, hasta 4.
An nagkapira soboot sa mga ini iyo an igwang hasta 100 dahon lambang saro.
Dugang pa ni Kaufman, pigbibilog kan siyam na eksperto an saindang team na nakatutok sa pagpepreparar para sa confirmation of charges hearing sa Setyembre kan taong ini.
Sa ibong na banda, sa bagong dokumentong pigluwas kan nakalihis na Hulyo 10, liwat pighurot kan kampo ni Duterte na mayong hurisdiksyon an ICC sa kaso, na igwang koneksiyon sa madugong kampanya kontra dorog kan ini an alkalde ka Davao asin presidente kan Pilipinas.
Mientrastanto, naunambitan man ni Kaufman N pagsuporta kan nagkapirang Pilipino sa pangapodang maibweltada sa nasyon si Duterte, siring kan resolusyon ni Senador Alan Peter Cayetano para sa house arrest.
Sigun sa abogado, nararapat sana na litison an dating Presidente sa irarom kan sistema sa Pilipinas.
Mapadapit man sa salud ni Duterte, sinaysay ni Kaufman na nasa marhay na kondisyon ini sa ibong kan edad asin haros apat na bulang pagkakakulong sa The Hague.
Dae man soboot naaangkop na magluwas ni health bulletin huli sa karapatang pansalud kan akusado.
