Pighamon ni Ombudsman Jesus Crispin Remulla si Batangas Rep. Leandro Leviste na personal na mag-agi sa tanggapan kan Ombudsman makalihis tawan duon ni Leviste na mayong interes an investigation team sa “Cabral files” na saiyang pigprisentar.
Sigun ki Assistant Ombudsman Mico Clavano, pighagad kan tanggapan an bilog na files ki Leviste antes magadan si dating DPWH Undersecretary Catalina Cabral, alagad dae kaini pigtao nin bilog.
Pigsayumahan ni Leviste na sapiritang pigkua an files asin mungkahi na ikukumparar kan Ombudsman an kopya kaini sa iba pang sources.
Sa pagpapatotoo kan files, sinaysay ni Remulla na tanging an computer na kapot kan Ombudsman an makakapagpatotoo kan dokumento.
Plano kaining makipagulay sa masunod na semana ki Public Works Secretary Vince Dizon asin COA Commissioner Gamaliel Cordoba tanganing pag-ulayan an proseso sa pag-access kan computer ni Cabral.
