Pig-lunsar kan administrasyong Marcos an programang Clinics for Learners’ Access to School-health Services Plus initiative (CLASS+) tanganing magtao nin libreng serbisyong medikal sa mga pampublikong eskwelahan sa tabang kan Department of Education, Department of Health, asin PhilHealth.
Sa enot na semana pa sana kan klase, lampas 400 na estudyante asin paratukdo sa Esteban Abada Elementary School an nakinabang sa mga konsultasyon asin laboratory tests.
Obheto kan inisyatibong ini na gibuhon access point an school clinics para sa libreng check -up, bulong asin man health counseling gamit an PhilHealth Konsulta Package.
Kaakibat kaini an Learner’s Health Assessment and Screening (LHAS) program kan DepEd kun saen masairarom sa physical, dental, nutrition, asin mental health screening an gabos na estudyante poon Kinder hasta Grade 12.
Mapoon an general health exams sa Hulyo asin mental health assessments poon Agosto hasta Disyembre gamit an mga angkop na tools para sa mga jovenes.
Hangad kan gobyerno na mapaigting pa an serbisyong pansalur sa mga eskwelahan sa paagi kan bagong School Health Package basado sa datos sigun sa mga pagsusuri.
