NAGA CITY- Patay na nang matagpuan ang katawan ng isang lolo matapos na makagat ng baboy-ramo sa Dolores, Quezon.
Kinilala ang biktima na si Ricardo Mendoza, 64-anyos, residente ng Brgy. Mangahan sa nasabing bayan.
Sa nakalap na impormasyon ng Bombo Radyo Naga sa Quezon Police Provincial Office, nabatid na nang dumaan sa madamong bahagi ng nasabing lugar ang isang indibidwal, dito na natagpuan ang katawan ng biktima na wala nang buhay.
Sa inisyal na imbestigasyon ng mga awtoridad, nabatid na nagtamo ang biktima ng kagat nang baboy-ramo sa itaas na bahagi ng kanyang kanan na hita.
Sa ngayon, nagpapatuloy pa ang imbestigasyon ng mga awtoridad.
