Pighayag kan Department of Agriculture (DA) na dae pa kaipohan sa ngunyan na magdeklarar nin national state of emergency huli sa african swine fever (ASF).
Katakod ini kan pangapoda kan grupo kan mga hog raiser ki Presidente Bongbong Marcos Jr. na magluwas nin emergency use authorization kan ASF vaccines tanganing gibuhong mahewas an pagbabakuna sa mga atamang baboy.
Sigun ki DA Asec. Arnel de Mesa na nasisimbagan pa man sa ngunyan kan ahensya an nasambitan ng huma sa ASF. Dugang pa kaini na hasta magkaigwa nin dagos-dagos na pagbabakuna an masisierto ninda na mapuho an ASF.
Apwera sa A-VAC vaccine an igwa pa nin ibang mga bakuna na on trial man.
Marurumdoman, tinawan-duon ni Pork Producers Federation of the Philippines Chairman asin AGAP Party-list Rep. Nicanor Briones an importansya kan pagkaigwa nin sarabay asin lakop na pagbakuna tanganing mapuho an AFP sa orog na marekas na panahon.
Soboot, puon kan 2019, nasa anom na milyong orig na an pigtamaan kan ASF sa nasyon na katampad kan P200-B pagkalugi sa industriya kan hog raising.
