Posibleng nagpapahiling nin saro sanang obheto laban ki Presidente Ferdinand Marcos Jr. an magkapareho na pahayag ninda Bise Presidente Sara Duterte asin Davao City Mayor Sebastian “Baste” Duterte, alagad nasa publiko pa man giraray an paghusga kun ini sabwatan o magkasuway sanang pagpahayag nin matinding dai pagkakaintindihan.
Ini an ipinahiling ni Deputy Speaker asin Iloilo Representative Janette Garin. Segun ki Garin, dai dapat balewalaon an pagkakapareho kan mga pahayag kan magtugang na kapwa halal na opisyal.Aniya, kun pareho sindang nagtataram dapit sa karahasan laban sa Pangulo, posible ining nagpapahiling nin intensyon asin matinding emosyon na dapat seryosohon.
Enot nang sinabi ni VP Sara sa sarong online press conference kan Nobyembre 2024 na sinugo siya an sarong tawo na gadanon an Presidente Marcos, First Lady Liza Araneta-Marcos asin dating Speaker Martin Romualdez sakaling ini magadan.
Mientrastanto, sinabi man ni Mayor Baste sa sarong pagtiripon na “sarong payo sana an kaipuhan,” na pigtutukoy suboot sa PBBM.
Segun ki Garin, ibinali kan National Bureau of Investigation (NBI) an mga naturang pahayag sa padagos na pag-imbestigar kun an mga ini kabali sa pauru-utrong pagbabanta na may implikasyon sa national security.
An mga pagbabanta suboot ni VP Duterte kabali sa mga batayan kan Article IV kan impeachment complaint, na nag-aakusar sa saiya nin Betrayal of Public Trust, Culpable Violation of the Constitution asin High Crimes.
Segun sa prosekusyon, dapat usisaon an saiyang sadiring mga pahayag asin an mga pangyayaring nakapalibot digdi tanganing madeterminar kun marapat pa siyang magpadagos sa puwesto.
