Nagputok an mahewas na hiro-protesta sa nagkapirang lugar sa Syria huli sa padagos na paglangkaw kan presyo nin mga produktong petrolyo.
Itinaas kan gobyerno nin sagkod 40 percent an presyo kan diesel mantang 28 percent man sa petrol.
Huli kaini, binagatan kan mga nagpoprotesta an mayor na tinampo sa laog nin nagkapirang oras.
An mga lugar kun sain nagkaigwa nin grabeng hiro-protesta iyo an mga parte kan Hama, Khan Sheikhoun, asin Maarat al-Numan.
Segun ki Syrian Energy Minister Mohammed al-Bashir, an saindang nasyon sa presente nakakagibo nin 102,000 na bareles nin krudo kada aldaw mantang nangangaipo nin nasa 325,000 na bareles kada aldaw para sa pangangaipo kan saindang nasyon, kaya nagtitiwala sinda sa mga inaangkat na krudo tanganing mapano an kakulangan.
Pigsierto man kan Ministry of Energy na pag-aadalan ninda an presyo kan pankinaban na merkado kun sain nagbabago an global market condition.
