Inabisuhan kan Makabayan bloc si Bise Presidente Sara Duterte na ipundo na an saiyang soboot “victim-playing” asin paggamit nin “rough script” nin mga alegasyon nin conspiracy tanganing maibitaran an mga kahapotan manungod sa saiyang confidential funds.
Sigun ACT Teachers Rep. Antonio Tinio, Gabriela Rep. Sarah Elago, asin Kabataan Rep. Renee Louise Co nagsabi na an paghihingako ni Duterte na an imbestigasyon kan Kamara sa mga kompidensyal na pondo sarong “armas politikal” o parte kan sarong pagsasarabotan laban saiya bakong totoo.
Segun sa mga mambabatas, cuarta nin publico an confidential funds, kaya karapatan kan Congreso asin an banwaan na mag-imbestigar kung pano ini nagastos, lalo na kung milyon-milyon an hinahagad asin marikas na pinapaluwas.
Nag-insistir man an mga mambabatas na dai nawawara an mga kahapotan manungod sa mga pondo dawa ngani inaapod nindang “fishing expedition.”
Sinabi ninda na igwa nin “red flags” sa kadakulaan kan mga pondo, an rikas kan saindang pagpaluwas, an katuyuhan kan paggastos, asin mga proteksyon laban sa salang paggamit.
Tinatsaran man ninda an paorootrong pagsambit ni Duterte sa “unmodified opinion” kan Commission on Audit, na sabi ninda dai nangangahulugan na mayo man nin sala na nangyari, lalo na kun limitado an mga detalyeng pigbubuyagyag sa confidential spending.
Dugang pa kan Makabayan bloc na obligasyon kan Kongreso na bantayan an paggamit kan pondo kan publiko. Inangat man ninda an Bise Presidente na mag-atubang sa Committee on Justice asin simbagon an mga kahapotan kan publiko.
