Pigtawan duon ni House Majority Leader Representative Sandro Marcos na mayong kinaaraman o bakong malakanyang an nagpili ki Isabela 6th District Rep. Faustino “Bojie” Dy komo bagong House Speaker.
Sigun ki Marcos, kinaulay ninda an mga lider kan manlaen-lae na partido sa Kamara kun siisay an sa hiling ninda an pwedeng magribay sa posisyon na iwawalat ni dating House Speaker Ferdinand Martin Romualdez.
Pigsaysay ni Marcos, pirmeng pangaran ni Rep. Dy an nagluluwas na mawot nindang magin lider kan Kamara.
Pigsambit man ni Congressman Sandro na dae naikonsiderar sa posisyon sinda Representatives Toby Tiangco asin Albee Benitez na parehas matanog kaidto na mawot magin House Speaker ngunyan na 20th congress.
Sigun ki Marcos, nagsayuma si Tiangco, mantang nagtao nin dalan si Benitez para ki Dy.
