Pighimutikan kan Malacañang an bareta manungod sa nationwide class suspension ngunyan na Oktubre 5.
An pekeng anunsyo na ini pig-uugnay sa pagselebrar kan World Teacher’s Day.
Segun sa Presidential Communications Office (PCO), mayo sindang opisyal na anunsyo na ipinaluwas manungod sa pagkansela kan klase sa bilog na nasyon.
Klarong sinabi kan PCO na an mga nagpapalakop kan bareta na ini iyo an nagpapalibog sa publiko.
Huli kaini, pinag-advisaran an publiko na dai na magheras o magpakalat nin mga pekeng anunsyo online.
Importante na maging mapagbantay asin beripikaron an mga impormasyon bago magtubod.
An gabos na opisyal na anunsyo manungod sa klase o iba pang aktibidad kan gobyerno, hale sana sa mga lehitimong gikanan.
Pinagiromdom kan Palasyo na an pagkuang impormasyon hale sa opisyal na government sources an pinakamarahay na paagi.
