Kumpiyansa an Malacañang na matugon an mga politiko sa ipigbabawal na ngunyan na pakikibali ninda sa pagheheras nin tabang asin ayuda, basado na man sa pigtakdabg probisyon na nakapalaman sa 2026 GAA.
Sinaysay ni Presidential Communications Office (PCO) Undersecretary asin Palace Press Officer Claire Castro na saro nang ley an nasambitan na pagbabawal kaya masusupog na an mga politiko na magbalgar sa nasambitan na probisyon.
Pupwede man soboot na maipahiling kan mga nasa poder kan kapangyarihan an saindang malasakit asin pagtabang sa saindang constituents nin dae nagluluwas na sinda nagigin epal.
Habo kaya soboot ni Presidente Ferdinand R. Marcos Jr. na maipahiling na gikan mismo sa mga politiko an ipigheheras na tabang, na soboot sadyang naabuso kan mga nakalihis.
Dugang pa ni Castro, bako man magayon an mga nangyari sa nakalihis na panahon na an tunay na nangangaipuhan an dae natatawan nin tabang o kun natatawan man may bawas o kulang na.
