Pigtawan duon kan House Committee on Human Rights Chair Bienvenido Abante an importansya kan pagrumdom kan publiko sa mga biktima kan mga kaso nin tokhang asin hazing ngonian na panahon nin Undas.
Kasabay kaini, nangapudan man sa gabos na mag alay nin pangadyi sa rinibong biktima nin extrajudicial killings sa war on drugs.
Segun ki Abante, sa pagkamit nin hustisya, kontra ini sa dagusan na paglingaw sa mga biktima kan mga insidente nin pagbalgar sa karapatan pantawo.
Katakod kaini, nangapudan an mambabatas sa Korte Suprema na magpaluwas nin rekomendasyon sa Kongreso dapit sa pagkakaigwa nin deadline sa pagresolber kan mga kaso kriminal.
Sa paaging ini soboot, marekas na matatawan nin competent justice an mga biktima kan mga EKJ.
