Isinapubliko na kan National Mapping and Resource Information Authority (NAMRIA) an opisyal na administrative map kan Pilipinas na malinaw na nagpapahiling kan West Philippine Sea (WPS).
Sigun sa pahayag kan NAMRIA, an mga opisyal na mapa asin nautical charts kan nasyon an importante sa paghurot asin pag-ataman kan maritime jurisdiction kan Pilipinas sa WPS.
Puon pa kan taong-2012, sa irarom kan Aquino administration, pormal nang ginagamit kan gobyerno an apod na “West Philippine Sea” sa mga publikasyon, asin ini an padagos na pigbubugtak sa gabos kan opisyal na mapa asin charts.
Ipinaliwanag kan ahenisya na an mga materyales na ini an piggagamit kan mga mariners, planners, researchers, asin manlaen-laen na institusyon sa laog asin luwas kan nasyon para sa navigation, geographic information, asin safety asin sea.
Kasabay kaini, binanggit kan NAMRIA na an exclusive economic zone (EEZ) kan Pilipinas an nag-abot hasta 200 nautical miles gikan sa archipelagic baselines, alinsunod sa Republic Act 9522.
An mga datos an nakabase sa precise geospatial data na nagtatabang sa tamang pagtukoy kan maritime limits.
Nilinaw man kan ahensiya na an saindang mga nautical charts an nagsusunod sa international hydrographic standards asin pigsusumiter sa mga international technical bodies siring kan International Hydrographic Organization, tanganing maibali an datos kan Pilipinas sa global maritime record.
Hurot kan NAMRIA, an saindang mandato an matao nin accurate asin reliable geospatial information para sa nasyon, na importante sa maritime safety, environmental management, disaster preparedness, asin dokumentasyon kan national territory.
Dugang pa kan NAMRIA, padagos nindang ipagtatanggol an mandato na ini komo suporta sa national sovereignty asin sa tamang pamamahal kan mga yaman kan nasyon.
