Pigkumpirmar kan pamayuhan kan Bureau of Corrections na natapos na an limang aldaw na quarantine period ni Mary Jane Veloso.
Segun sa ahensya, huli digde pigbalyo na ini sa regular dorm kan Reception and Diagnostic Center sa laog nin Correctional Institution for Women sa Mandaluyong City.
Sa laog kan nasambitan ng dorm, matinir ini nin nasa 59 na aldaw.
Mantang nasa laog masairarom ini sa mandatory orientation, diagnostic asin classification.
Makakaibahan ni Veloso sa laog kan nasambitan ng regular dorm na may 48×32 feet na sukol an nasa 30 na bagong laog na Persons Deprived of Liberty.
Segun ki BuCor Director General Gregorio Catapang, importante na magin pamilyar muna an mga bagong bilanggo sa mga rules asin regulations kan BuCor.
Pag uulayan man sa mga ini an mga karapatan asin prebilehiyo kan mga bagong bilanggo. Katakod kaini, pinagsugo na ni Catapang sa mga personahe kan CIW na i-translate an record ni Veloso sa Indonesia.
