Pinag-aadalan na kan Sandatahang Lakas ng Pilipinas an pagbakal nin mas kadakol na mga barko tanganing magamit sa pagpapatrolya sa mga kadagatan orog na sa West Phil Sea.
Huli digde, puspusan an pag-papakarhay asin pagpapahewas sa mga daungan, military base asin military port sa nasyon.
Sigun ki AFP chief Gen. Romeo Brawner Jr., dipisil magbakal nin mga barko kun mayo man nin tamang daungan kun saen ibubugtak an mga ini.
Kaipuhan na ma-develop an mga military o naval base kan AFP huli ta an mga ini an nagseserbeng pangenot na support system sa mga babakalon na barko kan nasyon.
Sigun sa AFP chief, posible man na magamit an mga nasambitan ng barko tanganing mapatrolyahan an mga maritime feature kan nasyon sa WPS asin mamantinir an presensiya kan Pilipinas sa mga ini.
Nagkapira sa mga darakula asin advanced ships kan nasyon an BRP Jose Rizal na naideliver kan May 2020 asin BRP Antonio Luna na naideliver kan March 21, 2021.
Sa irarom kan AFP modernization program, plano kan Pilipinas na makabakal nin mga advanced ship para sa Philippine Navy asin mas kadakol na multi-role fighter jets para sa Philippine Air Force.
