Maduong pinahimutikan ni Presidente Ferdinand Marcos Jr. na naglatag nin “demand” an Indonesia tanganing maitao sa kustodiya kan Pilipinas si dating Bamban, Tarlac Mayor Alice Guo.
Ipinunto kan presidente na nagluwas sana an isyung ini sa sarong pahayagan sa Indonesia na bako man opisyal alagad aminado an chief executive na dae nagin simple an pagpapapuli ki Guo sa nasyon.
Pig-ako kan punong ehekutibo na kinaulay man soboot ninda an mga amigo sa Indonesia mantang nakatabang man an pagpasiring kaini sa ibang mga nasyon kaya nagin harani sinda ni President Joko Widodo na digdi napakiulayan ini na kuanon asin ibwelta sa nasyon an puganteng alkalde.
Marurumdoman na naireport na pighurot kan Indonesia na i-swap ki Guo si Gregor Haas na sarong Australian na wanted sa Indonesia huli sa kasong drug trafficking asin nasakote sa probinsya kan Cebu kan Mayo ngunyan na taon.
