Medical findings ni Quiboloy isusumiter sa Pasig Court sa kahurutan na hospital arrest

Pigsaysay kan Philippine National Police (PNP) na nakatalaan ining magsumiter kan official medical findings ni Kingdom of Jesus Christ (KOJC) leader Apollo Quiboloy sa Pasig Regional Trial Court.

Ini an kasunod kan naenot na mosyon kan kampo kan pastor sa Pasig City Regional Trial Court (RTC) Branch 159 para sa hospital arrest ni Quiboloy asin saro kaining co-accused, si Ingrid Canada, sa Davao City.

Komo kasimbagan, pigsugo kan hukom an PNP na maneharon an medical checkup ni Quiboloy sa government doctors.

Pigpahayag ni PNP spokesperson Police Colonel Jean Fajardo na nakasalalay sa Pasig Regional Trial Court (RTC) Branch 159 kun ibabase an desisyon sa findings kan mga doktor gikan sa PNP General Hospital, o kaipuhan pa na magsagibo nin hearing, basado sa report kan nakalihis na Domingo.

Pigtawan duon pa ni Fajardo, rerespetuhon kan PNP an desisyon kan Pasig court.

Pigsaysay pa kaini na nasa marhay na kondisyon an salud ni Quiboloy, basado sa daily assessment kan mga nurse sa PNP Custodial Center sa Camp Crame, kun saen ini presenteng nakaditene