Sa isyu kan kinakaipuhanan na bilang nin boto para sa conviction, tututok an Senate impeachment court sa ika-29 na aldaw kan impeachment trial ni Vice President Sara Duterte ngunyan na Miyerkules.
Nakatalaang gibuhon ngonian na aldaw an oral arguments manungod sa usapin kan voting threshold, kun sain ilalatag kan mga panig an saindang mga argumento bago magdesisyon an mga senator-judge.
Naenot nang naghagad nin opinyon an impeachment court sa mga amici curiae o “friends of the court” manungod sa interpretasyon kan Konstitusyon sa bilang nin boto na kaipuhan para mahatulan an sarong opisyal sa impeachment trial.
Segun ki Senate impeachment court spokesperson Atty. Regie Tongol, posibleng maipagpaliban an botohan sa threshold kun kakapuhanan pa kan mga senator-judge nin dugang na panahon para pag-adalan an mga bagong argumentong ilalatag sa oral arguments.
Mientrastanto, dai na madadagos ngunyan na aldaw an inaasahang pagluwas ni Davao City Mayor Sebastian “Baste” Duterte sa impeachment court.
Na-reset an saiyang subpoena asin itinakda an pagluwas niya sa Senado sa Setyembre 28 sagkod 30, konektado sa mga isyung nagluwas sa pag-urulay manungod sa sinasabing business interests na idineklara ni Vice President Duterte sa saiyang SALN.
