Nakatalaang magpautob an Manila Electric Company (Meralco) nin haros 19 sentimo kada kilowatt hour (kWh) na bawas sa singil sa kuryente ngunyan na Setyembre.
Sigun sa Meralco, mababa nin P0.1852 kada kilowatt hour (kWh) an singil ngunyan na bulan, rason tangani gikan sa dating P13.2703/kWh kan nakalihis na Agosto, magigin P13.0851/kWh na sana an overall household electricity rate ngunyn.
Susog pa sa Meralco, pangenot na rason kan nasambitan ng tapyas-singil an pagkusog kan kantidad kan piso kontra dolyar.
Nakatabang man sa rate reduction an mas hababang generation charge asin mas hababang presyo kan Independent Power Producers (IPPs) asin Power Supply Agreements (PSAs).
An tapyas-singil an nangangahulugan kan bawas na P37 sa bayadan kan mga harong na kumukonsumo kan 200kWh kada bulan; P56 sa 300kWh kada bulan; P74 sa 400kWh asin P93 sa mga nakakagamit nin 500kWh kada bulan.
