NAGA CITY-Nagpakol na sa 37,337 na Palestino an binawian nin buhay mantang 85,299 man an irido gikan kan magpuon an giyera sa tahaw kan Israel asin Hamas kan Oktubre 7.
Sigun sa Health Ministry kan Gaza dai pa ninda masierto kun pira an mga bihag na kapot kan Hamas.
Sa 37,337 na Palestinong binawian nin buhay, 15,000 igdi an mga kaakian. Piglalaoman man na masakat pa an totalmenteng numero huli sa mayong pundong pag-atake kan Israel sa pirang parte kan Gaza.
Sa lado man kan Israel igwang 1,139 na binawian nin buhay mantang 8,730 man an irido.
Marurumdumang kadakul nin mga nasyon an nangapudan nin untok-putukan sa pag-ultanan kan Israel asin Hamas huli sa padagos nin pagsakat kan numero kan mga nagagadan.
