Ihuhurot ni Senator JV Ejercito ki Senate Blue Ribbon Committee Chairman Rodante Marcoleta na ipaapod sa masunod na pagdangog kan Senado an mga district engineer na imbwelto sa mga maanomalyang flood control project.
Pigtawan duon ni Ejercito, dapat na maipaapod an mga district engineer na imbwelto sa mga ghost project orog na an district office kan Bulacan na soboot notorious sa korapsyon.
Patanid kan senador na kun dae mapahiling an mga ipapaapod na district engineers an magmomosyon an opisyal na ipa-subpoena an mga ini sa masunod na pagdangog.
Mientrastanto, ipinauubaya man ni Senator Raffy Tulfo ki Marcoleta an pagpapaapod ki Department of Public Works and Highways o DPWH-Batangas 1st Engineering District Office District Engineer Abelardo Calalo na nagpurbar na manuhol ki Batangas Rep. Leandro Leviste kan kantedad na P360 million tanganing dae idagos an imbestigasyon sa flood control projects.
Sa hiling pa ni Sen. Raffy, mahewas an sindikato kan iregularidad sa flood control projects maski dae man ginagabos alagad posibleng kadakol pa sa mga district engineer an nagseserbeng bagmen na kan mga contractor.
