Dakulang tsunami an nagtama sa baybayon kan Far East Russia makalihis an Magnitude 8.8 na linog na nagpayugo-yugo sa dagat harani sa Kamchatka Peninsula, kasuodma, Hulyo 30, 2025.
Sa banwaan kan Severo-Kurilsk, dinara kan darakulang alon an mga establisyemento asin debris pasiring sa dagat.
Nag-abot sa apat na metros an langkaw kan alon na nagraot sa pantalan asin hinalon an lokal na planta kan pagsira.
Inabot man kan tubig an sarong World War II monument na nasa 400 metros an rayo gikan sa baybayon.
Tulos na pig-ebakwar an mga residentes makalihis na ilangkaw an tsunami warning.
Sigun ki Mayor Alexander Ovsyannikov igwang bastanteng oras para sa evacuation kaya salbado an gabos kan mamamayan na ngunyan an nasa tsunami safety zones.
Sa haraning isla man kan Shumshu, an expedition group kan Russian Geographical Society an nawaran nin kagamitan kan tangayon kan hukol an saindang tent camp.
Mayo man naikurit na nakulgan, alagad dinara kan tubig an gabos kan saindang gamit.
Huli sa insidente, nagdeklarar nin state of emergency an rehiyon kan Sakhalin, kaibahan an Kuril Islands.
Sigun sa mga eksperto, ini an pinakamakusog na linog sa lugar puon 1952 asin posible pa an mga kasunod na aftershocks asin dugang na tsunami waves.
Padagos an mahigot na pagbabantay sa baybayon kan Russia asin mga haraning nasyon mantang nagtitinir man na huma an posibleng dugang na paglangkaw kan tubig-dagat.
