Pwedeng mag-atubang nin milyones pesos na multa an mga kumpanya na dai magsunod sa ley sa pag-recycle asin pagbawas kan basurang plastic.
Sigun sa Palace Press Officer Usec. Claire Castro, 155 na mga kompanya an napadarahan nin show cause orders huli sa dai suboot pagsunod sa saindang mga obligasyon sa irarom kan Extended Producer Responsibility o EPR Law.
Sa irarom kan ley, an mga kumpanya na naggagamit nin plastic packaging dapat na magbawi asin mag-recycle nin dai mababa sa 60 porsyento kan saindang mga basura sa packaging.
Padagos an pag-audit kan Department of Environment and Natural Resources o DENR sa kantidad kan basura na narekober kan lambang kompanya.
Tinawang-duon ni Castro na importanteng panimbagon an mga kumpanya na dae nagsusunod, urog na an plastic iyo an dakulang porsyon kan basurang nahihiling na nagbara sa mga salog sa Metro Manila.
