Nagkapirang lokal na gobyerno an nagtao nin shuttle services nganing matabangan an mga deboto na mabiyahe pasiring sa Ciudad nin Naga para sa fluvial procession.
Sa entrevista kan Bombo Radyo Naga ki Raynor A. Rodriguez, Head, CDRRMO City Disaster Risk Reduction and Management Office, sinabi kaini na susog sa assessment kan Incident Management Team, an San Jose, Pamplona asin Libmanan kabale sa mga LGUs na nag-implementar nin shuttle arrangements. Pig-anunsyo man ninda an serbisyo sa saindang opisyal na social media pages, partikularmente para sa mga deboto na mayong sadiring lunadan.
Sinabi sa assessment na an marikas na aksyon kan mga LGU nakatabang sa pagdara kan saindang mga residente sa selebrasyon, sa ibong kan mga angat sa transportasyon na dara kan kadakol na mga nag-atendir.
Mientrastanto, tinawan duon na importante an padagos na koordinasyon kan mga LGUs asin iba pang sektor tanganing maseguro an mas marahay na transportasyon para sa mga maabot na darakulang relihiyosong okasyon.
