NAGA CITY-Dapat soboot na magpa-asister sa pinakaharaning opisina kan Department of Labor and Employment(DOLE) an mga obrerong sakop kan labor code na binawasan nin sahod kan saindang employer.
Sigun ki Attorney Mari Apples Abarcar, legal counsel kan sarong law firm, dai soboot kabali sa sakop kan labor code an mga empleyado kan gobyerno, managerial employees, field personnel, mga miyembro kan pamilya kan sarong empleyado na nakadepende sa suporta kan may kansadiri kan kumpanya, asin mga katabang sa harong.
Sa mga dai soboot nagsunod sa minimum wage asin pigbawasan pa an sweldo kan mga covered kan labor code, sigun ki Abarcar pwede an mga ini na magrani sa pinakaharaning opisina kan DOLE.
Igdi soboot sinda aasisteran.
Sigun ki Abarcar kaipuhan muna nin maghagad nin asistensya sa DOLE nin huli ta may mga employer soboot na bakong tulos-tulos na aram an ley.
Dugang pa ni Abarcar pag naghagad nin asistensya sa DOLE kun saen dai ma-settle an complaint sa employer pwede ining ipaapod.
Ini soboot kakaulayon asin papaliwanagan kun saen kun sinda man amenable dai na soboot kaipuhan na mag-abot pa sa reklamo.
Dugang pa kaini ibang ulay na kun maninindugan ini sa saindang pasweldo. Ini soboot nin huli ta may ley kita manunungod igdi kaya igdi na talagang mapuon an pagsunad nin reklamo.
