Padagos na maeeksperyensyahan an mga pag-uran ngunyan na pagselebrar nin Araw ng Kalayaan susog sa Philippine Atmospheric, Geophysical and Astronomical Services Administration (PAGASA).
Piglalomang magigin mauran ngunyan nin araw ng Kalayaan sa haros gabos nin parte kan nasyon huli pa man sa namamatiang epekto kan habagat (southwest monsoon) asin sarong low pressure area (LPA) na may halangkaw na posibilidad na magin bagyo sa laog kan 24-oras, sigun sa state weather bureau.
An LPA an huring nanutaran 235 kilometro sirangan kan Calayan, Cagayan. Huli digde, laoman na an kalat-kalat na pag-uran asin pagkidlat-pagkulog sa Batanes asin Cagayan.
Sigun pa sa weather bureau, an mga cloud cluster na dara kan habagat an madara nin pag-uran sa kadakol na lugar sa nasyon. Bagaman mayo pang direktang epekto sa nasyon an bagyong Wutip na nasa luwas kan Philippine Area of Responsibility, inabisuhan man an publiko, orog na an mga maluwas para sa mga maatendir kan pagselebrar kan Araw ng Kalayaan na madara nin panangga sa uran asin maglikay sa posibleng pagbaha asin pagrasay kan daga.
