Nagpupuon na magdagsa an mga pasaherong pabweltada nin Manila didge sa Paranaque Integrated Terminal Exchange (PITX) ngunyan na aldaw.
Ngunyan kaya piglalaoman na maurulian nin Metro Manila an mga nagbakasyon huli ta tapos na an christmas asin holiday break kaini.
Sigun k PITX Senior Corporate Affairs Officer Kolyn Calbasa, piglalaoman soboot kan saindang pamayuhan na mapakol sa 170,000 hasta 200,000 an madagsa sa terminal para sa enot na aldaw kan back to work asin back to school kan mga pasahero.
Sa ngunyan an bahagya pa soboot na magian sa terminal kumparar sa mga nagin bulos kan foot traffic digde kan nakalihis na pasko asin bagong taon.
Dugang pa ki Calbasa, apwera sa piglalaomang foot traffic sa terminal an piglalaoman man na dae mapundos sa 710 an mga nakumpiskar na mga ipinagbabawal na gamit sa mga pasahero.
Soboot hasta lunes an nagtitinir na alerto an saindang terminal sa mga confiscated items asin magin sa mga numero kan mga pasahero.
Pagiromdom man ni Calbasa, likayan na an pagdadara kan mga flammable items asin matatarom na bagay huli ta ini an makukumpiskar asin dae na makukua liwat.
Lugod mas magpasiring nin amay sa terminal an mga pauli man nin probinsiya tanganing dae na maipit sa pwedeng halabang pila sa mga ticket booths.
Piglalaoman man na mapakol sa tolong milyon an kabilogang numero kan mga pasahero na mapagsisirbihan kan terminal hasta lunes.
