NAGA CITY – Ipapaliwanag kan Naga City ENRO sa mga residentes asin illegal structure na nakalaog sa Legal Eastment kan Waterways sa siyudad.
Sa entrevista kan Bombo Radyo Naga ki Marvin Sagun Acting Head, Naga City Enro pigsaysay kaining kan nakalihis na taon saro sa mga nagin direktiba kan alkalde kan siyudad an susugon an gabos na waterways.
Napuunan man ini samay parte kan Concepcion Pequeña hasta sa may Barangay Del Rosario asin Balatas magin an yaon samay Naga River.
Asin digde napag-araman na kadakol an mga illegal structures asin mga residentes na nag-occupy kan mga Legal Eastment kan natural waterways.
Pagkatapos kaiyan, pig-identify man an saindang mga pangaran asin sa maabot na Enero 23, 2026 iinuton an Barangay Concepcion Pequeña na ipapaapod an mga residentes tanganing matukar an nasambitan na issue asin ipaintindi sa sainda an mga dapat gibuhon tanganing masunod an environment status.
Patotoo man ni Sagun na saro sa nagigin problema digde bako lang an obstruction ninda kundi an disease danger huli ta sinda an may labi na exposure sa hazard enkaso igwa nin kalamidad sa sa nasyon partikular na kun igde sa siyudad nin Naga.
Kaya kamawotan kan alkalde kan siyudad na sinda halion sa siring kaan na lugar asin igwa naman mga identify areas na lilipatin kaining mga residentes.
Asin ngunyan na taon pupuunan naman an padiit-diit na paglilipat sa sainda sa sarong stable na lugar.
Enkaso man na sinda dae magsunod igwa soboot ining violation sa ordinansa kan siyudad asin national laws orog na sa Water Code.
Huli ta ipibabawal talaga an anuman na structures sa laog kan legal eastment kan natural waterways, kaya dapat tolos na mahali ini.
Sa ngunyan kahagadan na sana ni Sagun sa mga residentes kan siyudad nin Naga an kooperasyon sa pag-aataman kan mga katubigan asin gibuhon an tama pagtutugdukan kan mga kaharongan tanganing malikayan na madanyaran kan labing pagbaha enkaso may kalamidad.
