Kinondenar kan pirang Senador an panibagong school shooting sa Banga National High School sa South Cotabato kun sain tulong estudyante, kabale na an suspek, ang nagadan asin anom an naireport na lugadan.
Segun ki Sen. Risa Hontiveros, dae dapat magin normal an mga insidente nin pambabadil sa mga eskwelahan.
Segun kaini,kaipuhan tugunan an manlaen-laen na bagay arog kan mental health, superbisyon kan magurang, access sa mga badil, seguridad sa eskwelahan, asin an epekto kan mga online platform sa mga hobenes.
Nangapudan man si Sen. Bam Aquino asin Sen. Loren Legarda para sa mas mahigot na seguridad sa mga eskwelahan asin imbestigasyon kun pano nakakua nin badil an mga menor de edad asin kun igwang mga warning signs na dae tulos nareparo.
Nanindugan si Legarda na dapat repasuhon kan Department of Education (DepEd), Philippine National Police (PNP), Department of the Interior and Local Government (DILG) asin mga lokal na awtoridad an firearm safekeeping, school security protocols, reporting mechanisms asin access kan mga estudyante sa mental health asin psychosocial support. Pagsiyasat sa Impormasyon.
Samantala, nanawagan si Senate Minority Leader Alan Peter Cayetano ng pagtutulungan ng pamilya, paaralan, simbahan, komunidad at pamahalaan upang mas maunawaan ang ugat ng sunod-sunod na insidente at matiyak ang kaligtasan ng mga estudyante.
Mientrastanto, nangapudan an Senate Minority Leader Alan Peter Cayetano nin kooperasyon kan mga pamilya, eskwelahan, simbahan, komunidad asin gobyerno ngani na mas masabutan an ugat kan sunod-sunod na insidente asin masierto an kaligtasan kan mga estudyante.
