NAGA CITY- Kinumpirmar kan Provincial Disaster Risk Reduction and Management Office (PDRRMO) -Camarines Norte na igwang mga turista an nairehistrong na-stranded sa Calaguas Island sa nasambitang probinsya.
Sigon sa impormasyon na ipinadara sa Bombo Radyo Naga ni Antonio España, head kan PDRRMO-Camarines Norte, kinumpirmar kaini na igwang mga turista asin baroto an na-stranded sa pigdarayong isla huli naman sa nakataas na gale warning sa nagkapirang parte kan rehiyong Bicol.
Inaaram pa ngonyan kan nasambitang opisina an bareta manungod sa duwa suboot na turista na pigdalagan sa ospital makalihis na malugadan.
Padagos pa man na inaaram kan PDRRMO-Camarines Norte kun pira an kabilugang numero kan mga baroto asin turista an na-stranded sa isla.
Sigon ki España, nakikipagtabangan na sinda sa manhamiento kan Philippine Coast Guard tanganing marescue an nastranded na mga turista.
Mientrastanto, sinasabing kan nakaaging Abri 2 pa kan mastranded an mga turista sa isla asin dae suboot pinapaluwas sa media an nasambitang impormasyon tanganing dae maapektaran an turismo sa lugar urog na ngonyan na summer season.
